குப்தர்கள் காலத்தில் வணிகம், வர்த்தகம், கலை, கட்டிடக்கலை, இலக்கியங்கள், ஓவியங்கள் , மதம் , சமூக அமைப்புகள் மற்றும் நாளந்தா பல்கலைக்கழகம்

குப்தர்கள் காலம்
வணிகமும் வர்த்தகமும்

    குப்தர்களின் பொருளாதார வலிமைக்கு வணிகர்களின் பங்களிப்பு மிக முக்கியமானதாகும். சிரேஷ்டி, சார்த்தவஹா என்ற இரு வேறுபட்ட வகைகளை சேர்ந்த வணிகர்கள் இருந்தனர். 

 

சிரேஷ்டி 

• ஒரே இடத்தில் தங்கி இருப்பவர்.
• தனது செல்வம் மற்றும் வணிகத்திலும் , வணிக மையத்தை நிர்வகிப்பதன் மூலமும் பெற்ற வளத்தால் மரியாதைக்குரிய நிலையில் இருந்தவர்கள்.

சார்த்தவஹா

• இலாபத்திற்காக ஊர் ஊராக சென்று வணிகம் செய்தனர்.
• எருது பூட்டிய வண்டிகளில் பொருட்களை ஏற்றி சென்றனர்.
• மிளகு , சந்தனக்கட்டை, தந்தம் , யானைகள் , குதிரைகள் , தங்கம் , செம்பு , இரும்பு மற்றும் மைக்கா ஆகியவை விற்கப்பட்டன.
• வணிகக் குழுக்களில் கைவினை கலைஞர்கள் , வணிகர்கள் இருந்தது பற்றிய குறிப்புகள் அதிக எண்ணிக்கையில் கிடைத்துள்ளன. 
• நாரத ஸ்மிருதி , பிருகஸ்பதி ஸ்மிருதி ஆகியவை வணிக குழுக்களின் அமைப்பு செயல்பாடு குறித்து விவரிக்கின்றன. ஒரு குழுவில், குழு தலைவர் மற்றும் 2 , 3 , 4 அல்லது 5நிர்வாக அதிகாரிகள் இருந்ததாக இவை குறிப்பிடுகின்றன. 
• தமது குழு உறுப்பினர்களின் தகராறுகளின் மீது தீர்ப்பு வழங்கியது குறித்து பிருகஸ்பதி ஸ்மிருதி கூறுகிறது .
• குழுவின் தீர்ப்பு எப்படி இருந்தாலும் அரசு ஒப்புதல் அளித்த தீர வேண்டும்.
• வணிகக் குழுக்களில் கைவினைஞர்களுக்கான குழுக்கள் , வங்கியாளர்களுக்கான குழுக்கள் , வணிகர்களுக்கான குழுக்கள் என பலவித குழுக்களை உறுப்பினர்களாகக் கொண்ட குழும அமைப்புகள் இயங்கியதாக குறிப்புகள் உள்ளன. 
• பயணிகளின் நலன்களுக்காக நிழல் குடை , விடுதிகள் , சத்திரங்கள் , கோவில்கள் , தோட்டங்கள் , மண்டபங்கள் ஏற்படுத்தி தரும் கொடை நடவடிக்கைகளிலும் வணிகக் குழுக்களும் , குழுமங்களும் ஈடுபட்டு வந்ததாகவும் குறிப்புகள் காணப்படுகின்றன. 
• மாவட்ட அளவிலான நிர்வாக அமைப்புகளில் வணிக குழுக்களின் தலைவர்கள் முக்கிய பங்காற்றி வந்ததாக கல்வெட்டுகள் கூறுகின்றன .
• வணிக வங்கிகள் , கவிகை வண்டி வணிகக்குழுக்கள், கைவினைஞர்கள் குழுக்களின் குழுமங்கள் அமைப்புகள் இயங்கியதாகவும் குறிப்புகள் உள்ளன .
• கந்துவட்டி நடைமுறையில் இருந்ததற்கான சான்றுகள் காணப்படுகின்றன.
• மேற்கு கரையில்,
• கல்யாண் , சால் போன்ற துறைமுகங்கள் இருந்தன.
• மலபார் , மங்களூர் , சலோபடானா, நயோபடானா , பந்தேபடானா போன்ற வணிகச் சந்தைகளும் இயங்கி உள்ளன .
• வங்கத்தின் தாமிரலிப்தி கிழக்கு கடற்கரையின் முக்கியமான வணிக மையம் என பாகியான் குறிப்பிடுகிறார் .
• சீனா இடையிலான கடல் பயணத்தில் எதிர்கொள்ள நேரிடும் இடர்கள் குறித்து பாகியான் குறிப்பிடுகிறார் .
• இத்துறை முகங்கள் ஒருபுறம் பாரசீகம் அரேபியா, பைசாந்தியம் போன்ற நாடு நகரங்களோடும் துறைமுகங்களோடும், மறுபுறம் இலங்கை சீனா தென்கிழக்கு ஆசிய நாடுகளோடும் இணைக்கப்பட்டிருந்தன .
• அபூர்வமான ரத்தின கற்கள், மெல்லிய துணி வகைகள், வாசனை திரவியங்கள் இந்தியாவிலிருந்து விற்கப்பட்டன.
• சீனாவில் இருந்து பட்டும், இதர பொருள்களும் இறக்குமதி செய்யப்பட்டன. 

கலையும் கட்டிடக்கலையும் 

 நாகரா, திராவிடம்  பாணியிலான கலைகள் வளர்ந்தன.

 

குடைவரைக் கோயில்கள் 

• பாறைகளை குடைந்து கட்டப்படுபவை .
• முகப்பு பகுதியில் அலங்காரத்திலும் , உள்பக்க தூண்களின் வடிவமைப்பிலும் விரிவான மாற்றங்களை கொண்டு வந்தனர்.
• எடுத்துக்காட்டு
• அஜந்தா எல்லோரா - மகாராஷ்டிரம்  ( UNESCO அங்கீகாரம் 1983)
• பாக் - மத்திய பிரதேசம் 
• உதயகிரி குகைகள் - ஒடிசா

கட்டுமான கோவில்கள்

கட்டுமான கோவில்களை முதன்முதலாக கட்டியவர்கள் குப்தர்களே.

1. தட்டையான கூரை கொண்ட சதுர கோவில்கள் 
2. விமானத்துடன் (இரண்டாவது மாடி) கூடிய தட்டையான கூரை கொண்ட சதுரக்கோயில்கள் 
3. வளைக்கோட்டு கோபுரம் (சிகரம்) கொண்ட கோவில்கள் 
4. செவ்வகக் கோவில்கள் 
5. வட்ட வடிவக் கோவில்கள்

இரண்டாவது குழுவை சேர்ந்த கோவில்கள் திராவிட முறையின் பல கூறுகளைக் கொண்டவையாக உள்ளன.கருவறைக்கு மேலே சிகரம் அமைக்கும் புதுமை மூன்றாவது பாணியில் சிறப்பு ஆகும். அது நாகரா பாணியில் முக்கிய அம்சமாகும். 

 

ஸ்தூபிகள்  

ஏராளமான எண்ணிக்கையில் கட்டப்பட்டன 

• சமத் - உத்திரபிரதேசம் 
• ரத்தினகிரி - ஒடிசா 
• மிர்பூர்கான் - சிந்து 

 

கல் சிற்பங்கள் 

• நிற்கும் நிலையில் உள்ள புத்தர் சிலை - சாரநாத் 
• வராக அவதார சிலை - உதயகிரி குகை நுழைவு வாயில், ஒடிசா 

 உலோகச் சிற்பங்கள் 

•  புத்தரின் 18 அடி செம்பு சிலை - நாளந்தா , பீகார் 
•  ஏழரை அடி புத்தர் சிலை - சுல்தான்கஞ்ச் 

ஓவியங்கள்

• குப்தர்களின் சுவரோவியம் அஜந்தா , பாக் மற்றும் பாதாமி ஆகிய இடங்களில் காணப்படுகின்றன.
• அஜந்தாவின் சுவரோவியங்கள் பிரெஸ்கோ எனப்படும் சுவரோவிய வகையைச் சேர்ந்தவையல்ல.
• பிரஸ்கோ ஓவியங்கள் :
• சுவரின் பூச்சு ஈரமாக இருக்கும் போதே வரையப்படுபவை.
• ஆனால் அஜந்தாவின் சுவரோவியங்கள் பூச்சு காய்ந்த பின் வரையப்பட்டவை. அஜந்தா மற்றும் பாக்கில் காணப்படும் ஓவியங்கள் மத்திய பிரதேச ஓவியப்பள்ளி முறையின் தலைசிறந்த ஓவியங்கள் ஆகும். 

சுடுமண் சிற்பங்களும் , மட்பாண்டக்கலையும் 

• களிமண்ணால் செய்த சிறு உருவங்கள் மதம் சார்ந்த , மதம் சாராத நோக்கங்களுக்காக பயன்பட்டன.
• விஷ்ணு , கார்த்திகேயன், துர்க்கை, நாகர் மற்றும் பல ஆண் , பெண் கடவுளர்களின் சிறு களிமண் உருவங்கள் கிடைத்துள்ளன .
• அச்சிசத்திரா , ராய்கார் , ஹஸ்தினாபூர் ,பஷார் ஆகிய இடங்களில் குப்தர் கால மண்பாண்டங்கள் கிடைத்துள்ளன.
• இக்காலகட்டத்து மட்பண்டங்களின் தனிப்பட்ட சிறப்பம்சம்  "சிவப்பு மட்பாண்டங்கள்" ஆகும்.

சமூகம்

• நான்கு வர்ணங்களைக் கொண்ட வர்ணாசிரம முறை பின்பற்றப்பட்டது.
• அது தந்தை வழி சமூகமாக இருந்தது மனுவின் சட்டங்கள் நடைமுறையில் இருந்தன.
• அவற்றின் படி பெண்கள் ஆண்களால் (தந்தை, கணவன், மூத்த மகன்) பாதுகாக்கப்பட வேண்டும்.
• பலதார மணம் நடைமுறையிலிருந்தது.
• குபேரநாகா ,துருபசுவாமினி இருவரும் இரண்டாம் சந்திரகுப்தரின் அரசியர். 
• உடன்கட்டை (சதி) ஏறும் முறை பின்பற்றப்பட்டது .

அடிமைகள்

குப்தர்கள் காலத்தில் பல்வகைப்பட்ட அடிமைகள் இருந்ததாக சான்றுகள் உள்ளன. அவை மேலை நாடுகளில் இருந்தது போல ஒரு நிறுவனமாக இல்லை.

மதம்

• வேதமும் , வேதச்சடங்குகளும் புத்துயிர் பெற்றன.
• சமுத்திரகுப்தரும் , முதலாம் குமாரகுப்தரும் அஸ்வமேத யாகம் நடத்தினர்.
• குப்தர்களின் காலத்தில் தான் உருவ வழிபாடு தோன்றியது.
• வைணவம் , சைவம் இரு பிரிவுகள் தோன்றியது .
• புத்த மதம் இரண்டாகப் பிரிந்தாலும் தொடர்ந்து வளர்ந்து வந்தது.

 

சமஸ்கிருத இலக்கியம் 

• குப்தர்கள் சமஸ்கிருதத்தை அலுவல் மொழியாக்கினர்.
• அனைத்து கல்வெட்டுகளும் , பட்டயங்களும் சமஸ்கிருதத்தில் தான் எழுதப்பட்டன.
• பண்டையக் காலத்தில் உருவான ஸ்மிருதிகள்: நல்லொழுக்கம் ,அரசியல் , கலை மற்றும் பண்பாடு குறித்து பேசிய சமய நூல்கள் ஆகும்.
• தர்மசாஸ்திரங்களும் , புராணங்களும் இந்த இலக்கிய கட்டமைப்பின் மையப் பொருளை வடிவமைத்தன.

சமஸ்கிருத இலக்கணம் 

• பாணினி - அஷ்டத்தியாயி (சமஸ்கிருத இலக்கணம்)
• பதஞ்சலி - மஹாபாஷ்யா (சமஸ்கிருத இலக்கணம்)
• அமரக்கோசம் ( சமஸ்கிருத சொற்களஞ்சியம்) - அமரசிம்மர் 
• சந்திரவியாகரணம்( இலக்கண நூல் ) - சந்திர கோமியர் (வங்காளத்தை சேர்ந்த பௌத்த அறிஞர்)

புராணங்களும் இதிகாசங்களும்

• இன்று நாம் அறிந்திருக்கும் வடிவில் புராணங்கள் இந்த காலத்தில் தான் இயற்றப்பட்டன.
• இவை பிராமணர்களால் பதிவு செய்யப்பட்ட தொன்மை கதைகளாக இருந்தன.
• உண்மையில் இவை தொடக்கத்தில் பாணவர்களால் பாடப்பட்டவை. பிராமணர்களின் கைக்கு வந்ததும் இவை செவ்வியல் சமஸ்கிருதத்தில் மீண்டும் இயற்றப்பட்டன.
• மகாபாரதம் ,இராமாயணம் ஆகிய இதிகாசங்கள் மெருகேரி செம்மை அடைந்து தமது இறுதி வடிவினை பெற்றன.
• 18 முக்கிய புராணங்கள் பட்டியலிடப்பட்டுள்ளன.
• அவைகளில் பிரம்மபுராணம், பத்ம புராணம், விஷ்ணு புராணம் , கந்தபுராணம் சிவமகா புராணம் , மார்க்கண்டேய புராணம் , அக்னி புராணம் , பவிஷ்ய புராணம் , மத்ஸ்ய புராணம் , ஸ்ரீமத்பகவத் புராணம் ஆகியவை நன்கு அறியப்பட்டவை .

பௌத்த இலக்கியம் 

• தொடக்க கால பௌத்த இலக்கியங்கள் மக்கள் மொழியான பாலி மொழியில் இருந்தன. பின்னர் சமஸ்கிருத கவிதையும் , வசனமுமாக மீண்டும் எழுதப்பட்டன.
• ஆர்யதேவர் , ஆர்யசங்கர் ஆகிய இருவரும் குப்தர் கால குறிப்பிட தகுந்த எழுத்தாளர்கள் ஆவார்கள்.
• தர்க்க அறிவியல் சார்ந்த முழுமையான பௌத்த நூல் வசுபந்துவால் எழுதப்பட்டது.
• வசுபந்தின் சீடரான திக்நாகரும் பல அரிய நூல்களை எழுதினார் .

சமண இலக்கியம்

• சமணர்களின் மத நூல்களும் தொடக்கத்தில் பிராகிருத மொழியிலேயே எழுதப்பட்டன. பின்னர் தான் சமஸ்கிருதத்தில் எழுதப்பட்டன.
• இவர்களது முயற்சியால் சமண மத கோட்பாடுகளை பரப்ப பல இந்து புராணங்களும் , இதிகாசங்களும் , சமண மதக்கண்ணோட்டத்தில் மாற்றி எழுதப்பட்டன.
• விமலா சமண இராமாயணத்தை எழுதியவர்.
• சித்தசேன திவாகரா சமணர்களிடையே தர்க்க சாஸ்திரத்திற்கு அடித்தளமிட்டவர்.

சமயம் சாரா இலக்கியம் 

காளிதாசர் இயற்கையை, அழகை எழுதிய கவிஞர்.

• காளிதாசனின் புகழ் பெற்ற நாடகங்கள் : 
•  சாகுந்தலம்
•  மாளவிகாக்னி மித்ரம் 
•  விக்ரம ஊர்வசியம் 
•  காளிதாசனின்  காப்பியங்கள்
• ரகுவம்சம்
• குமார சம்பவம் 

• காளிதாசனின் கவிதை நூல் மேகதூதம் 
• சூத்ரகர் மிருச்சகடிகம் 
• விசாகதத்தர் : முத்ராராட்சசம் , தேவி சந்திரகுப்தம் 
• இக்கால நாடகத்தில் மேட்டுக்குடி கதாபாத்திரங்கள் சமஸ்கிருதத்தில் பேச , எளிய கதாபாத்திரங்கள் பிராகிருதத்தில் பேசுகின்றன. 

மொழியும் இலக்கியமும் 

• பிராக்கிருதத்திற்கு அரசவைக்கு வெளியே ஆதரவு இருந்தது .
• குப்தர் காலத்தில் பிராக்கிருத மொழியின் பல்வேறு வடிவங்கள் உருவாகின 
• சூரசேனி வடிவம் - மதுரா 
• அர்த்மகதி வடிவம் - ஆவுத் ,பண்டேல்கண்ட்
• மகதி வடிவம் - நவீன பீகார் 

கணிதமும் வானவியலும்

• சுழியம் என்ற கருத்தாக்கத்தை கண்டுபிடித்து அதன் விளைவாக பதின்ம இலக்க முறை கண்டுபிடித்தது ஆகிய பெருமை குப்தர்களையே சாரும்.
• கிபி ஐந்தின் இறுதி முதல் கிபி 6 இன் துவக்கம் வரையிலான காலகட்டத்தில் ஆர்யபட்டர் சூரிய கிரகணங்களின் உண்மையான காரணங்களை ஆராய்ந்தார். சூரிய சித்தாந்தா (நூல்)
• பூமியின் சுற்றளவு குறித்த கணக்கீட்டில் ஆர்யபட்டரின் கணிப்பு நவீன மதிப்பீட்டிற்கு மிக நெருக்கமாக உள்ளது.
• பூமி ஒரு அச்சில் தன்னை தானே சுற்றுகிறது என்பதை கண்டுபிடித்த முதல் வானவியலாளர் அவர்தான்.
• கணிதம் , கோணவியல் , இயற்கணிதம் ஆகியவற்றைப் பற்றி பேசும் ஆர்யபட்டீயம் என்ற நூலை அவர் எழுதினார்.
• வராகமிகிரர் (கி.பி 6 ) : பிருஹத்சம்ஹிதா , பஞ்சசித்தாந்திகா, பிருஹத் ஜாதகா
• பிருஹத்சம்ஹிதா - வானவியல், புவியியல் , தாவரவியல், இயற்கை வரலாறு ஆகியவற்றிற்கான கலைக்களஞ்சியமாகும். 
• பிரம்மகுப்தர் (கிபி 6ன் கடைசி -கிபி 7 இன் துவக்கம் ): கணிதம் மற்றும் வானவியலுக்கான முக்கிய நூல்களான பிரும்மஸ்புத - சித்தாந்தம் , கண்டகாத்யகா ஆகிய நூல்களை எழுதி உள்ளார். 

மருத்துவ அறிவியல் 

• மருந்துகள் தயாரிக்க உலோகம் , பாதரசம் மற்றும் இரும்பு ஆகியவற்றை பயன்படுத்தி இருப்பது குறித்து வராகமிஹிரரும் , பிறரும் எழுதியுள்ளனர்.
• நவனிதகம் என்ற மருத்துவ நூல் நோய்களுக்கான மருந்துகள் , மருந்துகள் தயாரிக்கும் முறை ஆகியவற்றை கூறுகின்றது.
• பாலகாப்யா எழுதிய ஹஸ்த்யாயுர்வேதா என்ற நூல் விலங்குகளுக்கான மருத்துவ நூலாகும் 
• தன்வந்திரி - ஆயுர்வேத மருத்துவம் 
• சரகர் -ஒரு மருத்துவ அறிவியல் அறிஞர் 
• சுஸ்ருதர் - அறுவை சிகிச்சை செயல்முறையை பற்றி விளக்கிய முதல் இந்தியர் ஆவார். 
• வாக்பட்டர் - அஷ்டாங்க சங்கிரக , அஷ்டாங்க கிருதய சம்ஹிதை (மருத்துவம் )
• சரகர் - சரகசம்ஹிதா (மருத்துவ நூல் ) 
• மருத்துவ மும்மணிகள் : வாக்பட்டர் , சரகர் , சுஸ்ருதர்

நாளந்தா 

• மகா விஹாரா என்று அழைக்கப்படுகிறது.
• பண்டைய மகதப்பேரரசில்( இன்றைய பீகார்) இருந்த மிகப்பெரிய பௌத்த மடாலயம் ஆகும்.
• பாட்னாவிற்கு தென்மேற்கே 95 கி.மீ தூரத்தில் பீகாரின் ஷெரீப் நகர் அருகே உள்ளது. கி.பி 500 - 1200 வரை புகழ்பெற்ற கல்விசாலையாக இருந்தது.
• 2016ல் யுனெஸ்கோவின் உலகின் தொன்மை சின்னமாக அறிவித்து பாதுகாக்கின்றது.
• இந்தியாவின் தொடக்கக்கால பல்கலைக்கழகங்கள் தட்சசீலம் , நாளந்தா, விக்ரமசீலா.
• கிபி 5 மற்றும் 6ம் நூற்றாண்டுகளின் புத்த பேரரசின் ஆதரவில் தழைத்தோங்கியது.
• பின்னர் கன்னோசியைசேர்ந்த பேரரசர் ஹர்ஷரின் ஆதரவில் சிறப்புற்றது.
• நாளந்தாவில் பௌத்த தத்துவமே முக்கிய பாடமாக இருந்தது.யோகா , வேத இலக்கியங்கள், மருத்துவம் ஆகியவையும் கற்பிக்கப்பட்டன.
• யுவான் சுவாங் பௌத்த தத்துவத்தை பற்றி படிப்பதில் பல ஆண்டுகள் செலவழித்தார்.
• எட்டு பாடசாலைகளும் , மூன்று மிகப்பெரிய நூலகங்களும் இருந்தன.
• திபெத், சீனா , கொரியா , மத்திய ஆசியா போன்ற இடங்களில் இருந்தெல்லாம் மாணவர்கள் வந்தனர்.
• இங்கு மேற்கொள்ளப்பட்ட தொல்லியல் ஆய்வுகள் மூலம் இப்பல்கலைக்கழகத்திற்கும் இந்தோனேசியாவின் சைலேந்திர வம்சத்தோடும் தொடர்பு இருந்தது தெரிய வருகிறது. இவ்வம்சத்தின் அரசர் ஒருவர் இவ்வளாகத்தில் ஒரு மடாலயத்தையும் கட்டியுள்ளார்.
• முறையான அகழாய்வு 1915-ல் ஆரம்பித்தது. அப்போது 12 ஹெக்டேர் பரப்பில் ( 30 ஏக்கர் ) அமைந்துள்ள 11 மடாலயங்களும் , ஆறு செங்கல் கோவில்களும் கண்டுபிடிக்கப்பட்டன.
• அண்மையில் இந்தியா மற்ற தெற்கு , தென்கிழக்கு ஆசிய நாடுகளின் உதவியோடு இப்பல்கலைக்கழகத்தை புதுப்பித்துள்ளது .
• புகழ்பெற்ற நாளந்தா பௌத்த பல்கலைக்கழகத்தை அழித்தவர் பக்தியார் கில்ஜி.
• யுவன் சுவாங் (சீனப்பயணி ) தனது பயண குறிப்புகளின் நாளந்தா குறித்து விரிவாக குறிப்பிட்டுள்ளார் .
• நாளந்தா நூலகத்தில் இருந்த இலக்கணம், இலக்கியம் , தர்க்கம், வானியல் மருத்துவம் குறித்த நூறாயிரக்கணக்கான கையெழுத்து பிரதிகளும் , நூல்களும் துருக்கிய சுரையாடலில் அழிந்தன.

குப்தர்களின் வீழ்ச்சி 

• குப்த அரசின் கடைசி அரசர் விஷ்ணு குப்தர் கி.பி 540 முதல் 550 வரை ஆட்சி செய்தார்.
• உள்நாட்டு பூசல்களும் , அரசக் குடும்பத்தில் கருத்து வேறுபாடுகளும் அதன் வீழ்ச்சிக்குக் காரணமாயின.
• ஹீணர்களின் படையெடுப்பால் கருவூலம் காலியானது.பிற்கால குப்த அரசர்கள் வலிமை குன்றியது ஆகிய குப்த பேரரசு வீச்சுக்கு காரணங்களாயின.

Resource:

• Tamil Nadu State Government Samacheer School Books from 6th standard to 12th standard.
• https://ta.wikipedia.org/wiki/%E0%AE%A8%E0%AE%BE%E0%AE%B3%E0%AE%A8%E0%AF%8D%E0%AE%A4%E0%AE%BE_%E0%AE%AA%E0%AE%B2%E0%AF%8D%E0%AE%95%E0%AE%B2%E0%AF%88%E0%AE%95%E0%AF%8D%E0%AE%95%E0%AE%B4%E0%AE%95%E0%AE%AE%E0%AF%8D
  

Image Attribution:

• https://commons.wikimedia.org/w/index.php?curid=1781772
  

"This Content Sponsored by Genreviews.Online

Genreviews.online is One of the Review Portal Site

Website Link: https://genreviews.online/

Sponsor Content: #genreviews.online, #genreviews, #productreviews, #bestreviews, #reviewportal"